Mostramos o vídeo promocional da lingua aranesa, que por minoritaria que sexa, é o seu xeito de comunicación que tanto dedenden os araneses.
lunes, 21 de noviembre de 2011
jueves, 10 de noviembre de 2011
sábado, 5 de noviembre de 2011
Onde a Lingua sabe a Pan.
Aquí tedes o video feito polo colexio de Cea (Ourense) onde a lingua sabe a pan.
viernes, 7 de octubre de 2011
Rap Galego
No IES. Leiras Pulpeiro, un grupo de rapaces cóntanos e interpretan como compuxeron esta composición rapeira en galego.
jueves, 6 de octubre de 2011
martes, 2 de agosto de 2011
sábado, 18 de junio de 2011
Homenaxe a Agustín Fernández Paz polos CENDL
Neste video podedes ver a intervención de Agustín Fernández Paz, co gallo da homenaxe que lle deron a coordenadora dos equipos de normalización e dinamización lingüística no seu vinte aniversario. Discurso realmente emotivo.
viernes, 17 de junio de 2011
Galiméntate.
Aquí poderedes atopar un feixe de receitas, que podedes facer.
Receitas
View more documents from nobicodalingua
miércoles, 15 de junio de 2011
Visita do Noso Centro ao IES. Carlos Casares de Viana do Bolo.
Na primeira semana de Xuño, o noso Instituto fixo un intercambio co IES. Carlos Casares de Viana do Bolo (Ourense) na que a revista dixital "O Choupín" fai constancia da nosa visita.
martes, 7 de junio de 2011
Correlingua 2011
Fomos ao Correlingua
O 4 de maio de 2011, todos os alumnos de 2º e 3º da ESO do IES Agra do Orzán e máis institutos da comarca da Coruña fomos ao Correlingua 2011.
Empezamos preto do campo de fútbol de Riazor e rematamos xusto antes da Torre de Hércules, onde había un escenario montado para presentar os gañadores do manifesto e das pancartas. Eramos máis de 3000 rapaces e rapazas os que percorrimos o “Correlingua”. Xa na Torre vimos unha sesión de maxia e un concerto de música polo grupo “Nugalla”.
Co correlingua tentamos de que a lingua galega sexa considerada como a lingua de emprego común, do seu fomento no eido educativo e na sociedade en xeral. Nos tamén levamos varias pancartas con lemas a favor da lingua. Tamén salientouse eliminar os prexuízos con respecto aos galegofalantes e a presentación da lingua de Galicia como elemento cultural que hai que conservar e mimar. A opinión de que o galego non pasa por un bo momento é unánime porque non hai apoio desde as institucións. Nas cidades, os rapaces non están concienciados para falar galego. No noso instituto hai algúns que o falan, pero son unha minoría",
Xa na explanada da Torre de Hércules, diferentes actuacións artísticas e duns alumnos de Cerceda que, a ritmo de rap, leron un manifesto en defensa do galego co que arrincaron una sonora ovación. "Non sexas sumiso. É unha lingua que vale, así que dalle", dixeron estes rapaces, que aconsellaron o uso do galego en redes sociais, como twenty ou facebook.
O 4 de maio de 2011, todos os alumnos de 2º e 3º da ESO do IES Agra do Orzán e máis institutos da comarca da Coruña fomos ao Correlingua 2011.
Empezamos preto do campo de fútbol de Riazor e rematamos xusto antes da Torre de Hércules, onde había un escenario montado para presentar os gañadores do manifesto e das pancartas. Eramos máis de 3000 rapaces e rapazas os que percorrimos o “Correlingua”. Xa na Torre vimos unha sesión de maxia e un concerto de música polo grupo “Nugalla”.
Co correlingua tentamos de que a lingua galega sexa considerada como a lingua de emprego común, do seu fomento no eido educativo e na sociedade en xeral. Nos tamén levamos varias pancartas con lemas a favor da lingua. Tamén salientouse eliminar os prexuízos con respecto aos galegofalantes e a presentación da lingua de Galicia como elemento cultural que hai que conservar e mimar. A opinión de que o galego non pasa por un bo momento é unánime porque non hai apoio desde as institucións. Nas cidades, os rapaces non están concienciados para falar galego. No noso instituto hai algúns que o falan, pero son unha minoría",
Xa na explanada da Torre de Hércules, diferentes actuacións artísticas e duns alumnos de Cerceda que, a ritmo de rap, leron un manifesto en defensa do galego co que arrincaron una sonora ovación. "Non sexas sumiso. É unha lingua que vale, así que dalle", dixeron estes rapaces, que aconsellaron o uso do galego en redes sociais, como twenty ou facebook.
jueves, 2 de junio de 2011
Vento Lois. Actividades
A seita loisista, co apoio da Asociación de Escritores en Lingua Galega, o Pen Clube de Galicia e a Asociación Galega de Editores, chama a organizar un novo vendaval, que percorra todo o mundo, o día 12 de maio ás 20:00 h.: lectura de textos de Lois, sobre Lois, música, performances, teatro… Se podes argallar ou contribuír a argallar calquera acto, institucional ou persoal, en calquera lugar –bar, praza, monte, praia, recinto cultural- para ese día e esa hora, faino ou, como remataba Lois a súa Modesta proposición: “quen teña tempo, enerxía, e desexe facer algo, que vaia propoñendo algo… (por exemplo)”.
Na web de Lois Pereiro habilítase un espazo para anotar as iniciativas de cada localidade, e así organizar xente, propostas e esforzos. As dúbidas ao enderezo oficial loispereiro2011@gmail.com.
PROPOSTA DE ESCALETA VENTO LOIS (12 de maio de 2011)
1. LECTURA DO MANIFESTO LOISISTA:
Loita, furia, humor… Amén!
Vivimos malos tempos para a reflexión e a resistencia neste imperio zombie de Microsoft mental.
¿E de que parte estaba eu? Da parte dos que intenten dalgún xeito non contribuír a que esa roda opresiva e maldita (unha historia da infamia que xa non nos permite ser inxenuos) continúe a xirar eternamente, perpetuando, cun cíclico cambio de papeis de amos ou escravos, a mesma situación ata que a terra estoupe de noxo e perversión, farta de nós.
Se alguén non o sabía xa é que estaba cego: non queremos ter amos.
Pode que xa nos atopemos a poucos metros da nosa extinción, pero o sentido do humor pervivirá sempre, e o sentido crítico deixa un rastro detrás, con mans, sen elas, cos miolos no cranio ou espallados polo chan. Volveremos á terra, e aos outros elementos primordiais. Como dicía Zeca Afonso: “Camaradas de armas dos catro elementos!…”
Agora aínda teño liberdade de opción para exiliar o meu espírito no Ártico, en Asia ou no Nepal, e teño permiso para que nada humano me sexa alleo. Por iso podo decidir militar na miña propia lingua, “porque me peta e quero e dáme a gaña…”. Moitas culturas crúzanse no meu espírito e no meu corazón non hai fronteiras. Ninguén me impediu nunca ser máis crítico e sarcástico co que eu sinto máis meu, propio e herdado.
Se me permite seguir axudando á defensa que non procura dominar nin agredir, seguirá a ser unha loita compartida por min: da tropa dos vencidos. Terra, Lingua, Cultura, Dereito á diferenza. Mente aberta ao mundo… e nada máis.
Defendámonos, logo, caladamente, con furia, ou con humor tibetano, pero non transixamos cunha soia agresión máis.
Sempre haberá novas vías para resistir, para opoñernos e non ser submisos, como a estratexia humilde e provocadora de Bartleby, o gris e lúcido escribente de Melville, que para non someterse sen máis ás ordes arbitrarias, dicía simplemente, sen ira, pero teimosamente: “Preferiría non facelo”.
A reflexión, as ideas, a creación ou as palabras. A arte e a cultura é sempre o que me salva da tentación da morte e me anima a reiniciar.
A verdadeira poesía nunca minte, por ferinte que sexa. Quen crea algo sen intencións perversas é inocente da súa posible perversión. Bernhard, Beckett, Cioran, Genet, Celan, Valente, Shopenhauer, Pound, Carver, Poe… tiñan razón, temos razón. E tiñan razón Yeats, Dylan Thomas, Eliot, Joyce, Homero, Dante… temos razón tamén a un tempo, como todos os atormentados ou felices pintores da Beleza e das tebras que cohabitan comigo o meu cerebro, discutindo sen pausa dentro da miña alma…
E a verdade é que “na miña vida nunca vin máis que tolos e enfermos” (Bernhard); que “Morrer é ben doado; vivir é o difícil” (Maiakowski) e tamén que “Vivir é fácil. Arduo sobrevivir ao vivido” (Valente).
O obxectivo ha ser sempre un Universo que se expande.
A dor, a escuridade, o mal tamén existen por nós e contra nós, pero axudan a que a beleza e o pracer sexan aínda máis brillantes. Por iso non debemos evitar, para aforrarnos sufrimento, a parte máis escura en cada cousa, porque produce a lucidez e o horror de seu coñecemento.
Aprender é unha vitoria. Dubidar é unha loita continua, e a Crítica nunca hai que desterrala.
Porque se non hai dogmas nin bandeiras que nos guíen estamos obrigados a escoller as cousas e as ideas máis dignas do noso nivel de ética e de xenerosidade, sen o inxenuo optimismo escarmentado, e sen un pesimismo opaco e ben alimentado que nos deteña e nos permita unha indiferente neutralidade falsa.
Xa non imos ser cómplices do que nos indigne ou nos avergoñe. Nada é inmutable. Todo se transforma. Amén.
(Escolma de Modesta proposición para renunciar a facer xirar a roda hidráulica dunha cíclica historia universal da infamia, de Lois Pereiro)
2. RECITAL: lectura participativa de poemas de Lois.
3. INTERVENCIÓNS: lectura de textos e mensaxes a/sobre Lois.
4. MÚSICA & OUTROS: cancións en directo ou gravadas, escenificacións, performances…
VENTOS CONFIRMADOS
LIMOGES: No Instituto Léonard Limosin, ás 10:00 horas, os alumnos de último ano lerán poemas diante unha pequena exposición con fotos, poemas e debuxos no hall do recreo. E, ás 20:00 horas, no Centro Cultural Municipal Jean Moulin, actuación do grupo VACARM (Voyager avec les cheminots amoureux de la résonance des mots = Viaxar cos ferroviarios namorados da resonancia das palabras).
MONFORTE: O xoves 12 ás 12:00 h. todos os centros de ensino da vila pararán para realizar lecturas de Lois Pereiro. Ás 20:00 h. no Salón de actos do Centro do Viño terá lugar un recital aberto sobre textos de Lois.
MADRID: Galego en Madrid-Espazo das Linguas Ibéricas (proxecto da Xunta de Galicia, Universidad de Alcalá, Instituto Cervantes …) organiza un acto que terá lugar entre as 18:00 e as 21:00 h. no Instituto Homeopático y Hospital San José (Rúa Eloy Gonzalo 3-5). Comezará coa lectura do Manifesto Loisista, seguirá co coloquio Lois Pereiro entre Galicia e Madrid, con María Xesús Nogueira e Luis Luna, continuará cun recital dos estudantes do curso de galego e poetas convidados, e finalizará con arte, música e comida dos propios alumnos.
SANTIAGO: A partir das 19:00 h. no Local Sociocultural da Caramoniña, na cima do parque de Bonaval, terá lugar a acción sentimental Aclamación a Pereiro, concerto do Leo, lectura do Manifesto Loisista por Paco Macías, organizado polo Concello de Santiago de Compostela.
SARRIA: Ás 20:00 h. na Casa da Cultura lectura de poemas de Lois Pereiro.
FENE: A partir das 20:00 h. no Casino de Perlío haberá un recital VENTO LOIS a cargo dos e das participantes do obradoiro literario que se desenvolve cada venres, desde hai 10 anos, na Biblioteca Municipal (Museo do Humor). Leranse poemas de lois e mais poemas propios na súa homenaxe.
BERGONDO: Ás 20:00 h. no Edificio da Senra, o grupo Eolo Teatro estrea Recitalois, baixo a dirección de Willy Eter.
GONDOMAR: A partir das 20:00 h. a Asociación Espazo Lectura celebrará unha lectura de poemas de Lois Pereiro na Cafetaría Rañolas (Rúa Otero Pedrayo, 3), precedida por Gonzalo Navaza, quen lerá o Manifesto Loisista.
CARBALLO: Ás 20:00 h., no Pazo da Cultura, lectura do Manifesto Loisista; presentación do libro Lois Pereiro. A urxencia poética dun futuro alleo, de Mercedes Queixas, coa participación da autora e de Francisco Pillado; e lectura compartida de textos e poemas de Lois Pereiro. Organizado pola A. C. Lumieira e a colaboración da Editorial Laiovento e o Concello de Carballo.
VIGO: Ás 12:00, no salón de actos da Facultade de Filoloxía e Tradución, o grupo de investigación GAELT (Grupo de Análise e Estudo da Literatura e da Tradutoloxía) do Departamento de Filoloxía Galega e Latina organiza un recital de poemas de Lois Pereiro e traducións ao inglés, alemán, francés e catalán, proxección de vídeos e música sobre Lois e unha conferencia de Manuel Forcadela, xunto á presentación do libro Que lle podo ofrecer a quen me intente?, monográfico Lois Pereiro publicado en Xerais, e elaborado polo GAELT baixo a coordinación de Anxo Angueira e Teresa Bermúdez. A partir das 20:00 h., inauguración da exposición Lois Pereiro. Lírica Punk, no Verbum (Avenida de Samil, 17), onde Ramón Nicolás lerá o Manifesto Loisista e Marcos Calveiro recitará poemas de Lois.
SADA: Ás 20:00 h., no Centro Xuvenil do Concello de Sada: lectura dun guión biográfico sobre Lois intercalado con poemas do mesmo (as lecturas serán realizadas por integrantes da Asociación, alumnos dos centros de ensino e todo aquel que esta interesado) e posterior lectura de textos de autores locais en galego e/ou sobre a lingua. Organizado polo Concello e a Asociación Cultural Irmáns Suárez Picallo.
RIBEIRA: Ás 20:00 horas, organizado polo Grupo Pinche en colaboración co IES Leliadoura e o Departamento de EF dese centro, o VENTO LOIS zoará desde diversos bares e tabernas baixo o principio “Se mahoma nom vem a montanha, imos levar a montanha a mahoma ainda que seja a caldeiros!”. Os locais serán: Capitán Morgan, A Caverna, Albatros, Ateneo Valle Inclán (Bar Plaza) e A Taberna do Riaso.
FERROL: A partir das 20:00 horas, organizado polo Ateneo Ferrolán, en colaboración co Concello, no Cantón de Molíns (Praza da Constitución): letras colgadas en globos simbolizando o Manifesto Loisista, e que serán botadas ao VENTO, Lectura do Manifesto polo presidente do Ateneo, reparto do mesmo o público asistente na rúa e lectura de poemas.
LALÍN: Ás 20:30 h. no IES Ramón Aller, lectura do Manifesto e despois conferencia de Antón Losada, co título: Que foi da Galicia de Lois?. Organizados por A. C. O Naranxo e Queremos Galego Deza.
OURENSE: A partir das 20:30 horas, representación de Mundo Lois na Sala Principal do Auditorio Municipal. Ás 12:00 horas funcións escolares para o segundo ciclo da ESO e Bacharelato. Ás 18:00 h., na Livraria Torga, presentación do libro-cd-dvd Oito cancións para oito poemas de Lois Pereiro, coa lectura do Manifesto Loisista e dos oito poemas que forman o traballo, a cargo de Alexandro González, Lino Braxe e Roi Maceda, iniciando a exposición de 9 ilustracións de Pedro Villarejo na mesma libraría até o 10 de xuño. Ás 20:00 horas, a veciñanza da Ponte Canedo (Ourense) súmase cun acto no Centro Cívico da Ponte (Rúa Euloxio Gómez Franqueira, 43), consistente na lectura do Manifesto Loisista, a proxección do vídeo Declaración, a lectura de poemas do autor a cargo de veciñas e veciños do barrio, xunto á interpretación dunha peza de Bach en directo. Tamén haberá actividades infantís que gardan relación con Lois Pereiro.
A CORUÑA: Ás 21:00 h. no Antigo Cárcere Provincial, concerto en homenaxe a Lois de Ulträqäns e Loretta Martin, e recital de Cesáreo Sánchez Iglesias, Xulio López Valcárcel e Antía Otero, nun acto presentado por Manuel Rivas e Xurxo Souto. Ás 19:30 h., no FNAC, Chelo Suárez aproveitará a presentación do seu libro As horas rotas para ler poemas seus en homenaxe a Lois, mentres que, a esa mesma hora, 20:00, no salón de actos da Biblioteca Pública da Coruña Miguel González Garcés ‘Fantoches Baj’ representará o espectáculo Poesía última de Lois Pereiro; e no Museo de Belas Artes lerase o Manifesto Loisista, proxectaranse varios videopoemas de Pedro Ramos sobre a obra de Lois, e haberá un recital coa participación de Andrés Ibáñez, Olga Patiño, Tiago Acosta, Juan García e Uxía Vázquez.
BETANZOS: Ás 20:30 horas, a A. C. Eira Vella desenvolverá a homenaxe a Lois coa participación de alumnado do IES Francisco Aguiar lendo poemas de Lois (percorrerán o propio día 12, de 10:30 a 12:30 h., o casco histórico de Betanzos para capturaren imaxes baixo a inspiración duns poucos textos escollidos da obra de Lois, vinculando a imaxe coa letra) e a proxección dun vídeo do Equipo de Normalización Lingüística do CEIP Vales Villamarín coas voces dos nenos e nenas contando a vida e obra de Lois. A xente de Eira Vella tamén lerá o manifesto e recitará algún poema ou texto.
BUEU: Ás 20:30 horas, recital con poesía e música de e sobre Lois no Bar Aturuxo (Rúa Pazos Fontenla, 59).
TUI: A partir das 20:30 horas, na Biblioteca Pública Municipal, lectura do Manifesto Loisista, recital de poemas e música ao vivo.
ARTEIXO: Ás 20:30 horas, no Café Concerto Bata de Guata (Rúa Xeneral Mosquera Palleiro, 2, xunto ao paseo fluvial), lectura de poemas e música a cargo de Cántigas da Terra, Tati Mancebo e Antón Borrazás.
CANGAS: A partir das 22:00 horas, no Pub Canis Lupus (Rúa Ferrol, 22), lectura do manifiesto Loisista e a continuación audición colectiva do CD dos poemas de Lois. Recita O Leo, con música de Alfonso Camarero.
PARÍS: O VENTO LOIS chegará o venres 13 de maio de 18:00 a 20:00 h. na sala 1.3 do Instituto Cervantes de París, xa que non foi posible organizalo o día 12. Lerase Manifesto Loisista, recitaranse e comentaranse poemas del, e visionaranse vídeos e imaxes súas, escoitando a súa autobiografía e poemas musicados. Os actos están organizados polo Centro de Estudos Galegos.
(Vía web de Lois Pereiro)
Na web de Lois Pereiro habilítase un espazo para anotar as iniciativas de cada localidade, e así organizar xente, propostas e esforzos. As dúbidas ao enderezo oficial loispereiro2011@gmail.com.
PROPOSTA DE ESCALETA VENTO LOIS (12 de maio de 2011)
1. LECTURA DO MANIFESTO LOISISTA:
Loita, furia, humor… Amén!
Vivimos malos tempos para a reflexión e a resistencia neste imperio zombie de Microsoft mental.
¿E de que parte estaba eu? Da parte dos que intenten dalgún xeito non contribuír a que esa roda opresiva e maldita (unha historia da infamia que xa non nos permite ser inxenuos) continúe a xirar eternamente, perpetuando, cun cíclico cambio de papeis de amos ou escravos, a mesma situación ata que a terra estoupe de noxo e perversión, farta de nós.
Se alguén non o sabía xa é que estaba cego: non queremos ter amos.
Pode que xa nos atopemos a poucos metros da nosa extinción, pero o sentido do humor pervivirá sempre, e o sentido crítico deixa un rastro detrás, con mans, sen elas, cos miolos no cranio ou espallados polo chan. Volveremos á terra, e aos outros elementos primordiais. Como dicía Zeca Afonso: “Camaradas de armas dos catro elementos!…”
Agora aínda teño liberdade de opción para exiliar o meu espírito no Ártico, en Asia ou no Nepal, e teño permiso para que nada humano me sexa alleo. Por iso podo decidir militar na miña propia lingua, “porque me peta e quero e dáme a gaña…”. Moitas culturas crúzanse no meu espírito e no meu corazón non hai fronteiras. Ninguén me impediu nunca ser máis crítico e sarcástico co que eu sinto máis meu, propio e herdado.
Se me permite seguir axudando á defensa que non procura dominar nin agredir, seguirá a ser unha loita compartida por min: da tropa dos vencidos. Terra, Lingua, Cultura, Dereito á diferenza. Mente aberta ao mundo… e nada máis.
Defendámonos, logo, caladamente, con furia, ou con humor tibetano, pero non transixamos cunha soia agresión máis.
Sempre haberá novas vías para resistir, para opoñernos e non ser submisos, como a estratexia humilde e provocadora de Bartleby, o gris e lúcido escribente de Melville, que para non someterse sen máis ás ordes arbitrarias, dicía simplemente, sen ira, pero teimosamente: “Preferiría non facelo”.
A reflexión, as ideas, a creación ou as palabras. A arte e a cultura é sempre o que me salva da tentación da morte e me anima a reiniciar.
A verdadeira poesía nunca minte, por ferinte que sexa. Quen crea algo sen intencións perversas é inocente da súa posible perversión. Bernhard, Beckett, Cioran, Genet, Celan, Valente, Shopenhauer, Pound, Carver, Poe… tiñan razón, temos razón. E tiñan razón Yeats, Dylan Thomas, Eliot, Joyce, Homero, Dante… temos razón tamén a un tempo, como todos os atormentados ou felices pintores da Beleza e das tebras que cohabitan comigo o meu cerebro, discutindo sen pausa dentro da miña alma…
E a verdade é que “na miña vida nunca vin máis que tolos e enfermos” (Bernhard); que “Morrer é ben doado; vivir é o difícil” (Maiakowski) e tamén que “Vivir é fácil. Arduo sobrevivir ao vivido” (Valente).
O obxectivo ha ser sempre un Universo que se expande.
A dor, a escuridade, o mal tamén existen por nós e contra nós, pero axudan a que a beleza e o pracer sexan aínda máis brillantes. Por iso non debemos evitar, para aforrarnos sufrimento, a parte máis escura en cada cousa, porque produce a lucidez e o horror de seu coñecemento.
Aprender é unha vitoria. Dubidar é unha loita continua, e a Crítica nunca hai que desterrala.
Porque se non hai dogmas nin bandeiras que nos guíen estamos obrigados a escoller as cousas e as ideas máis dignas do noso nivel de ética e de xenerosidade, sen o inxenuo optimismo escarmentado, e sen un pesimismo opaco e ben alimentado que nos deteña e nos permita unha indiferente neutralidade falsa.
Xa non imos ser cómplices do que nos indigne ou nos avergoñe. Nada é inmutable. Todo se transforma. Amén.
(Escolma de Modesta proposición para renunciar a facer xirar a roda hidráulica dunha cíclica historia universal da infamia, de Lois Pereiro)
2. RECITAL: lectura participativa de poemas de Lois.
3. INTERVENCIÓNS: lectura de textos e mensaxes a/sobre Lois.
4. MÚSICA & OUTROS: cancións en directo ou gravadas, escenificacións, performances…
VENTOS CONFIRMADOS
LIMOGES: No Instituto Léonard Limosin, ás 10:00 horas, os alumnos de último ano lerán poemas diante unha pequena exposición con fotos, poemas e debuxos no hall do recreo. E, ás 20:00 horas, no Centro Cultural Municipal Jean Moulin, actuación do grupo VACARM (Voyager avec les cheminots amoureux de la résonance des mots = Viaxar cos ferroviarios namorados da resonancia das palabras).
MONFORTE: O xoves 12 ás 12:00 h. todos os centros de ensino da vila pararán para realizar lecturas de Lois Pereiro. Ás 20:00 h. no Salón de actos do Centro do Viño terá lugar un recital aberto sobre textos de Lois.
MADRID: Galego en Madrid-Espazo das Linguas Ibéricas (proxecto da Xunta de Galicia, Universidad de Alcalá, Instituto Cervantes …) organiza un acto que terá lugar entre as 18:00 e as 21:00 h. no Instituto Homeopático y Hospital San José (Rúa Eloy Gonzalo 3-5). Comezará coa lectura do Manifesto Loisista, seguirá co coloquio Lois Pereiro entre Galicia e Madrid, con María Xesús Nogueira e Luis Luna, continuará cun recital dos estudantes do curso de galego e poetas convidados, e finalizará con arte, música e comida dos propios alumnos.
SANTIAGO: A partir das 19:00 h. no Local Sociocultural da Caramoniña, na cima do parque de Bonaval, terá lugar a acción sentimental Aclamación a Pereiro, concerto do Leo, lectura do Manifesto Loisista por Paco Macías, organizado polo Concello de Santiago de Compostela.
SARRIA: Ás 20:00 h. na Casa da Cultura lectura de poemas de Lois Pereiro.
FENE: A partir das 20:00 h. no Casino de Perlío haberá un recital VENTO LOIS a cargo dos e das participantes do obradoiro literario que se desenvolve cada venres, desde hai 10 anos, na Biblioteca Municipal (Museo do Humor). Leranse poemas de lois e mais poemas propios na súa homenaxe.
BERGONDO: Ás 20:00 h. no Edificio da Senra, o grupo Eolo Teatro estrea Recitalois, baixo a dirección de Willy Eter.
GONDOMAR: A partir das 20:00 h. a Asociación Espazo Lectura celebrará unha lectura de poemas de Lois Pereiro na Cafetaría Rañolas (Rúa Otero Pedrayo, 3), precedida por Gonzalo Navaza, quen lerá o Manifesto Loisista.
CARBALLO: Ás 20:00 h., no Pazo da Cultura, lectura do Manifesto Loisista; presentación do libro Lois Pereiro. A urxencia poética dun futuro alleo, de Mercedes Queixas, coa participación da autora e de Francisco Pillado; e lectura compartida de textos e poemas de Lois Pereiro. Organizado pola A. C. Lumieira e a colaboración da Editorial Laiovento e o Concello de Carballo.
VIGO: Ás 12:00, no salón de actos da Facultade de Filoloxía e Tradución, o grupo de investigación GAELT (Grupo de Análise e Estudo da Literatura e da Tradutoloxía) do Departamento de Filoloxía Galega e Latina organiza un recital de poemas de Lois Pereiro e traducións ao inglés, alemán, francés e catalán, proxección de vídeos e música sobre Lois e unha conferencia de Manuel Forcadela, xunto á presentación do libro Que lle podo ofrecer a quen me intente?, monográfico Lois Pereiro publicado en Xerais, e elaborado polo GAELT baixo a coordinación de Anxo Angueira e Teresa Bermúdez. A partir das 20:00 h., inauguración da exposición Lois Pereiro. Lírica Punk, no Verbum (Avenida de Samil, 17), onde Ramón Nicolás lerá o Manifesto Loisista e Marcos Calveiro recitará poemas de Lois.
SADA: Ás 20:00 h., no Centro Xuvenil do Concello de Sada: lectura dun guión biográfico sobre Lois intercalado con poemas do mesmo (as lecturas serán realizadas por integrantes da Asociación, alumnos dos centros de ensino e todo aquel que esta interesado) e posterior lectura de textos de autores locais en galego e/ou sobre a lingua. Organizado polo Concello e a Asociación Cultural Irmáns Suárez Picallo.
RIBEIRA: Ás 20:00 horas, organizado polo Grupo Pinche en colaboración co IES Leliadoura e o Departamento de EF dese centro, o VENTO LOIS zoará desde diversos bares e tabernas baixo o principio “Se mahoma nom vem a montanha, imos levar a montanha a mahoma ainda que seja a caldeiros!”. Os locais serán: Capitán Morgan, A Caverna, Albatros, Ateneo Valle Inclán (Bar Plaza) e A Taberna do Riaso.
FERROL: A partir das 20:00 horas, organizado polo Ateneo Ferrolán, en colaboración co Concello, no Cantón de Molíns (Praza da Constitución): letras colgadas en globos simbolizando o Manifesto Loisista, e que serán botadas ao VENTO, Lectura do Manifesto polo presidente do Ateneo, reparto do mesmo o público asistente na rúa e lectura de poemas.
LALÍN: Ás 20:30 h. no IES Ramón Aller, lectura do Manifesto e despois conferencia de Antón Losada, co título: Que foi da Galicia de Lois?. Organizados por A. C. O Naranxo e Queremos Galego Deza.
OURENSE: A partir das 20:30 horas, representación de Mundo Lois na Sala Principal do Auditorio Municipal. Ás 12:00 horas funcións escolares para o segundo ciclo da ESO e Bacharelato. Ás 18:00 h., na Livraria Torga, presentación do libro-cd-dvd Oito cancións para oito poemas de Lois Pereiro, coa lectura do Manifesto Loisista e dos oito poemas que forman o traballo, a cargo de Alexandro González, Lino Braxe e Roi Maceda, iniciando a exposición de 9 ilustracións de Pedro Villarejo na mesma libraría até o 10 de xuño. Ás 20:00 horas, a veciñanza da Ponte Canedo (Ourense) súmase cun acto no Centro Cívico da Ponte (Rúa Euloxio Gómez Franqueira, 43), consistente na lectura do Manifesto Loisista, a proxección do vídeo Declaración, a lectura de poemas do autor a cargo de veciñas e veciños do barrio, xunto á interpretación dunha peza de Bach en directo. Tamén haberá actividades infantís que gardan relación con Lois Pereiro.
A CORUÑA: Ás 21:00 h. no Antigo Cárcere Provincial, concerto en homenaxe a Lois de Ulträqäns e Loretta Martin, e recital de Cesáreo Sánchez Iglesias, Xulio López Valcárcel e Antía Otero, nun acto presentado por Manuel Rivas e Xurxo Souto. Ás 19:30 h., no FNAC, Chelo Suárez aproveitará a presentación do seu libro As horas rotas para ler poemas seus en homenaxe a Lois, mentres que, a esa mesma hora, 20:00, no salón de actos da Biblioteca Pública da Coruña Miguel González Garcés ‘Fantoches Baj’ representará o espectáculo Poesía última de Lois Pereiro; e no Museo de Belas Artes lerase o Manifesto Loisista, proxectaranse varios videopoemas de Pedro Ramos sobre a obra de Lois, e haberá un recital coa participación de Andrés Ibáñez, Olga Patiño, Tiago Acosta, Juan García e Uxía Vázquez.
BETANZOS: Ás 20:30 horas, a A. C. Eira Vella desenvolverá a homenaxe a Lois coa participación de alumnado do IES Francisco Aguiar lendo poemas de Lois (percorrerán o propio día 12, de 10:30 a 12:30 h., o casco histórico de Betanzos para capturaren imaxes baixo a inspiración duns poucos textos escollidos da obra de Lois, vinculando a imaxe coa letra) e a proxección dun vídeo do Equipo de Normalización Lingüística do CEIP Vales Villamarín coas voces dos nenos e nenas contando a vida e obra de Lois. A xente de Eira Vella tamén lerá o manifesto e recitará algún poema ou texto.
BUEU: Ás 20:30 horas, recital con poesía e música de e sobre Lois no Bar Aturuxo (Rúa Pazos Fontenla, 59).
TUI: A partir das 20:30 horas, na Biblioteca Pública Municipal, lectura do Manifesto Loisista, recital de poemas e música ao vivo.
ARTEIXO: Ás 20:30 horas, no Café Concerto Bata de Guata (Rúa Xeneral Mosquera Palleiro, 2, xunto ao paseo fluvial), lectura de poemas e música a cargo de Cántigas da Terra, Tati Mancebo e Antón Borrazás.
CANGAS: A partir das 22:00 horas, no Pub Canis Lupus (Rúa Ferrol, 22), lectura do manifiesto Loisista e a continuación audición colectiva do CD dos poemas de Lois. Recita O Leo, con música de Alfonso Camarero.
PARÍS: O VENTO LOIS chegará o venres 13 de maio de 18:00 a 20:00 h. na sala 1.3 do Instituto Cervantes de París, xa que non foi posible organizalo o día 12. Lerase Manifesto Loisista, recitaranse e comentaranse poemas del, e visionaranse vídeos e imaxes súas, escoitando a súa autobiografía e poemas musicados. Os actos están organizados polo Centro de Estudos Galegos.
(Vía web de Lois Pereiro)
miércoles, 11 de mayo de 2011
sábado, 7 de mayo de 2011
ARCÁNGEL NEGRO (Duarte Cea) 1º ESO
ARCÁNGEL NEGRO
Conta unha historia,que un anxo chamado Arcangel non lle gustaba nada como era Deus nen os seus mandatos hacia os anxos de ceo.Entón volou ata a Terra.Ao chegar quixo convencer as persoas da aldea que deixaran a relixión para que Deus perdera forza .Os aldeáns non lle fixeron caso,entón marchou cara os montes máis altas da aldea.aos catro días hubo unha treboada con moitos raios ,e un caeulle a Arcangel.Morreu ao instante.
Ao morrer non quería ir ao ceo,entón foi ao inferno.Volveuse malvado,moi malvado.O demo como veu que era moi malo resucitouno durante tres días.O demo díxolle que o raio que o matou fora mandado por Deus,pero descubriu que non fora así.Ao sabelo crucificouse nunha cova cuns pinchos nos extremos da cruz.
Din que se unha persoa ve ao anxo e é mala persoa terá unha tormenta enrriba da súa casa durante catro días e ao cuarto unraio cae sobre a persoa
Conta unha historia,que un anxo chamado Arcangel non lle gustaba nada como era Deus nen os seus mandatos hacia os anxos de ceo.Entón volou ata a Terra.Ao chegar quixo convencer as persoas da aldea que deixaran a relixión para que Deus perdera forza .Os aldeáns non lle fixeron caso,entón marchou cara os montes máis altas da aldea.aos catro días hubo unha treboada con moitos raios ,e un caeulle a Arcangel.Morreu ao instante.
Ao morrer non quería ir ao ceo,entón foi ao inferno.Volveuse malvado,moi malvado.O demo como veu que era moi malo resucitouno durante tres días.O demo díxolle que o raio que o matou fora mandado por Deus,pero descubriu que non fora así.Ao sabelo crucificouse nunha cova cuns pinchos nos extremos da cruz.
Din que se unha persoa ve ao anxo e é mala persoa terá unha tormenta enrriba da súa casa durante catro días e ao cuarto unraio cae sobre a persoa
Normalización:USC1. Lingua Minoritaria
A serie de catro vídeos preparados por Manuel Núñez Singala e Manuel Bermúdez, membros do Servizo de Normalización Lingüística da USC, constitúe un recurso moi valioso para contaxiar o optimismo que precisa a nosa lingua. Máis alá da súa indubidable utilidade didáctica, estas pezas son unha ferramenta cívica para desmontar prexuízos e falacias que tanto están lixando o futuro do galego. Pregamos axudades a difundilas por toda a rede. Fan moito ben.
viernes, 29 de abril de 2011
Correlingua 2011.
Informamos que o Correlingua 2011 terá lugar o día 4 de Maio coa saída do Estadio de Riazor entre as 10.30 e as 11.00 horas. O itinerario ven marcado neste mapa que se adxunta.
domingo, 24 de abril de 2011
Maxicamente vello.
Aquí tedes " Maxicamente vello", o segundo disco de Roi Casal. Unha marabilla! un fermoso tema sobre o idioma galego, baseada nun texto de Manuel María. Este será o himno do noso tempo en defensa do idioma galego.
Máxicamente vello from PAI Música on Vimeo.
jueves, 7 de abril de 2011
Os foráneos dan exemplo
Seguimos con máis testemuñas de xente de fóra que fala galego, sen prexuizo algún. Xente de Inglaterra, Escocia, Rusia, Xapón e mesmo mexicana dan proba do seu coñecemento da nosa lingua.
Xapón no corazón.
Moita xente de fóra valora o galego máis que moitos de nós. Aquí tedes un exemplo dun xaponés que ama a nosa lingua e que taduce os poemas de Rosalía ao xaponés.
GgAaL_EGO
El Puto Coke, grande expoñente do rap en Galicia, malia a súa xuventude, presentou o seu novo videoclip en Vigo, GgAaL-EGO, que inicia cun xogo de palabras con moito transfondo e moi comprometido con Galicia e coa lingua. Un referente da música actual e de moitos rapaces que dá exemplo do seu orgullo de ser galego, interpretando moitas das súas cancións na nosa lingua e que agora rompe moldes cun vídeo de gran calidade artística e cunha letra na que amosa a súa sensibilidade coa situación lingüística do pais.
martes, 22 de marzo de 2011
Informe Pisa
O informe PISA é o mellor indicador internacional de cualidade dos sistemas educativos, xa que se aplica aos trinta e tres Estados membros da OCDE e a un número crecente de países asociados. Así, na edición de 2009 cuxos resultados veñen de publicarse, a proba foi realizada nun total de 65 Estados. No referente a España, foron avaliados 27.000 alumnos de 910 centros de ensino diferentes (en Galiza, 1.585 estudantes de 54 centros), repartidos nas 14 comunidades autónomas participantes: estas cifras mostran ben ás claras que as conclusións extraíbles dos datos proporcionados polo informe teñen un elevado grao de fiabilidade.
Antes de entrar na descrición e análise dos datos, dúas advertencias metodolóxicas: (i) as medias atribuídas aos Estados, como é o caso de España, oscilan dentro dunha marxe de confianza de ±4 puntos, mentres que as das comunidades autónomas é de ±8 puntos; (ii) na análise comparativa dentro do Estado español, debe terse en conta a menor representatividade da mostra nas comunidades autónomas uniprovinciais menos poboadas e nas cidades autónomas.
* * * * *
Despois dunha lectura completa do informe de 2009 e da comparación cos datos de 2006, pódense establecer as seguintes conclusións sobre a educación en Galiza.
I. UN PAÍS Á ALTURA DE EUROPA E DO MUNDO
O sistema educativo galego presenta uns resultados medios homologables aos do conxunto da OCDE e lixeiramente superiores á media española, mais aínda está lonxe dos resultados obtidos polos países e territorios punteiros, agrupados no norte da Europa e no sudeste asiático.
O feito de estar á par da OCDE e por riba da media española é un bo punto de partida, sobre todo tendo en conta o diferencial negativo do noso país en termos de desenvolvemento económico e de cobertura social a respecto do noso entorno. Porén, para atinxir un ensino á altura dos mellores, é necesario realizar profundas mudanzas. É bo lembrar que, mesmo coa hispánica tradición de partidarizar as discusións sobre as reformas educativas, o Goberno galego posúe un grao de autonomía en aspectos esenciais como o establecemento do currículo que pode e debe ser empregado para modernizar o sistema educativo.
II. RESULTADOS E LINGUA VEHICULAR
A comparación dos resultados en Galiza entre 2006 e 2009 mostra unha estabilidade case total: a única novidade significativa ocorre na comprensión lectora, onde se rexistra un incremento de 7 puntos, desde os 479 aos 486, no límite superior da marxe de confianza; polo contrario, o descenso en matemáticas, de 5 puntos (de 494 a 489), ben como o ascenso en ciencias, de 1 punto (de 505 a 506), son estatisticamente irrelevantes. Isto significa que o desempeño dos escolares non variou en virtude das modificacións impulsadas polo anterior Goberno galego, notadamente no relativo a unha maior presenza do galego como lingua vehicular do ensino. Tanto é así, que os resultados dos estudantes galegos son superiores á media española en todas as tres áreas de coñecemento: no referente ás áreas de lectura e matemática, dentro das marxes de confianza; e en ciencias, de xeito rotundo.
Unha vez máis, non semella que o monolingüismo sexa unha boa receita para o éxito académico. De feito, todas as comunidades autónomas cun ensino bilingüe teñen unha media na comprensión lectora en español superior á media estatal, coa única excepción das Illas Baleares (vaia no seu descargo que esta foi a primeira participación no informe PISA); e, curiosamente, o mesmiño acontece nos ámbitos matemático e científico.
O incremento da presenza do galego como lingua vehicular do ensino tivo un impacto positivo na comprensión lectora en español e non repercutiu sobre os resultados en matemáticas, materia que daquela era impartida en galego. Fica unha vez máis comprobado, de xeito empírico, que o fomento do galego non vai en detrimento da competencia en español nin do desempeño científico dos alumnos e alumnas.
Por último, outro mito que se derruba: o ensino en galego non é un obstáculo para os estudantes inmigrantes, como se demonstra no feito de que sexan os que obteñen unha das mellores notas do Estado, con 10 puntos de vantaxe sobre a media.
III. SISTEMA EDUCATIVO E XUSTIZA SOCIAL
Como é ben sabido, Galiza ten, dentro do Estado español, un índice sociocultural e económico dos máis distantes da media da OCDE, como se pode comprobar neste gráfico:
Partindo desa realidade, é fundamental que o ensino cumpra unha función igualadora e democratizadora. Nese sentido, podemos parabenizarnos por ser o galego o sistema educativo máis equitativo de todo o Estado en termos sociais, grazas a que a proporción entre as diferenzas de rendemento académico e as distancias sociais de partida é excepcionalmente baixa:
Aínda máis: Galiza é unha das comunidades nas cales a varianza é menor entre os centros participantes. Resumido en números: de cada 4 puntos de diferenza, en media 3 dependen do nivel individual de cada estudante e só 1 da extracción social e/ou do centro de estudos. Se ben é certo que o Estado español posúe un dos sistemas educativos máis equitativos do mundo, non o é menos que esa característica é especialmente preminente no caso galego -unha característica que debemos preservar fronte a tentativas de privatización.
IV. OS MÉRITOS DO ENSINO PÚBLICO GALEGO
En Galiza, como no resto do Estado español, as notas dos centros de ensino públicos son inferiores ás obtidas polos centros privados. Algo perfectamente comprensible dada a selección económica e sociocultural exercida polos segundos, ben como a renuncia a manter alumnos repetidores, circusntancias que os centros públicos -pola súa propia natureza- non se poden permitir.
Pois ben, a nosa é unha das comunidades que presenta unha menor distancia entre os resultados dos centros públicos e os dos privados.
O diferencial positivo de Galiza a respecto da media española é mérito do ensino público, que colleita resultados superiores en 10 puntos á media estatal dese sector en lectura e matemática, e de 23 puntos en ciencias.
Porén, os centros privados galegos están levemente por debaixo da media estatal en lectura e matemática, e superan escasamente esa mesma media en ciencias.
V. O DIFERENCIAL GALEGO EN CIFRAS
O diferencial positivo de Galiza a respecto da media estatal non se reflecte só nas medias globais anteriormente ofrecidas, senón tamén nunha menor diferenza entre as porcentaxes de excelencia e deficiencia dos estudantes en todas as áreas consideradas.
Diferencial excelencia vs. deficiencia
Lectura. Galiza: excelencia 3%, deficiencia 5%. España: excelencia 3%, deficiencia 6%. Galiza: -2, España -3.
Diferencial galego: +1.
Matemática. Galiza: excelencia 7%, deficiencia 20%. España: excelencia 8%, deficiencia 24%. Galiza: -13, España -16.
Diferencial galego: +3.
Ciencias. Galiza: excelencia 5%, deficiencia 13%. España: excelencia 4%, deficiencia 19%. Galiza: -8, España -13.
Diferencial galego: +5.
Diferencial global e de inclusión de repetidores
Vale lembrar que a proba PISA é respondida por alumnos e alumnas de 15 anos, independentemente do nivel educativo que estexan a cursar, polo que unha elevada porcentaxe de repetidores -en Galiza é do 37%, por volta da media estatal- é unha desvantaxe competitiva.
As cifras globais e por cursos na proba de lectura (área destacada nesta edición) son as seguintes:
Galiza: media global 486 - media 4º ESO 524 - media 3º ESO 441 - media 2º ESO 375.
España: media global 481 - media 4º ESO 518 - media 3º ESO 435 - media 2º ESO 371.
Diferencial galego: +5 global, +5 repetidores.
* * * * *
En fin, Galiza aproba -mentres España suspende- mais aínda ten moito campo para mellorar; iso si, a mellora debe facerse mantendo os trazos positivos do noso sistema educativo, nomeadamente no que se refere ao carácter público, inclusivo e democratizador do ensino. E ao tempo, fomentando unha galeguización sen receos, pois os feitos demonstran que os resultados non se resenten por iso, senón que máis ben o agradecen.
Antes de entrar na descrición e análise dos datos, dúas advertencias metodolóxicas: (i) as medias atribuídas aos Estados, como é o caso de España, oscilan dentro dunha marxe de confianza de ±4 puntos, mentres que as das comunidades autónomas é de ±8 puntos; (ii) na análise comparativa dentro do Estado español, debe terse en conta a menor representatividade da mostra nas comunidades autónomas uniprovinciais menos poboadas e nas cidades autónomas.
* * * * *
Despois dunha lectura completa do informe de 2009 e da comparación cos datos de 2006, pódense establecer as seguintes conclusións sobre a educación en Galiza.
I. UN PAÍS Á ALTURA DE EUROPA E DO MUNDO
O sistema educativo galego presenta uns resultados medios homologables aos do conxunto da OCDE e lixeiramente superiores á media española, mais aínda está lonxe dos resultados obtidos polos países e territorios punteiros, agrupados no norte da Europa e no sudeste asiático.
O feito de estar á par da OCDE e por riba da media española é un bo punto de partida, sobre todo tendo en conta o diferencial negativo do noso país en termos de desenvolvemento económico e de cobertura social a respecto do noso entorno. Porén, para atinxir un ensino á altura dos mellores, é necesario realizar profundas mudanzas. É bo lembrar que, mesmo coa hispánica tradición de partidarizar as discusións sobre as reformas educativas, o Goberno galego posúe un grao de autonomía en aspectos esenciais como o establecemento do currículo que pode e debe ser empregado para modernizar o sistema educativo.
II. RESULTADOS E LINGUA VEHICULAR
A comparación dos resultados en Galiza entre 2006 e 2009 mostra unha estabilidade case total: a única novidade significativa ocorre na comprensión lectora, onde se rexistra un incremento de 7 puntos, desde os 479 aos 486, no límite superior da marxe de confianza; polo contrario, o descenso en matemáticas, de 5 puntos (de 494 a 489), ben como o ascenso en ciencias, de 1 punto (de 505 a 506), son estatisticamente irrelevantes. Isto significa que o desempeño dos escolares non variou en virtude das modificacións impulsadas polo anterior Goberno galego, notadamente no relativo a unha maior presenza do galego como lingua vehicular do ensino. Tanto é así, que os resultados dos estudantes galegos son superiores á media española en todas as tres áreas de coñecemento: no referente ás áreas de lectura e matemática, dentro das marxes de confianza; e en ciencias, de xeito rotundo.
Unha vez máis, non semella que o monolingüismo sexa unha boa receita para o éxito académico. De feito, todas as comunidades autónomas cun ensino bilingüe teñen unha media na comprensión lectora en español superior á media estatal, coa única excepción das Illas Baleares (vaia no seu descargo que esta foi a primeira participación no informe PISA); e, curiosamente, o mesmiño acontece nos ámbitos matemático e científico.
O incremento da presenza do galego como lingua vehicular do ensino tivo un impacto positivo na comprensión lectora en español e non repercutiu sobre os resultados en matemáticas, materia que daquela era impartida en galego. Fica unha vez máis comprobado, de xeito empírico, que o fomento do galego non vai en detrimento da competencia en español nin do desempeño científico dos alumnos e alumnas.
Por último, outro mito que se derruba: o ensino en galego non é un obstáculo para os estudantes inmigrantes, como se demonstra no feito de que sexan os que obteñen unha das mellores notas do Estado, con 10 puntos de vantaxe sobre a media.
III. SISTEMA EDUCATIVO E XUSTIZA SOCIAL
Como é ben sabido, Galiza ten, dentro do Estado español, un índice sociocultural e económico dos máis distantes da media da OCDE, como se pode comprobar neste gráfico:
Partindo desa realidade, é fundamental que o ensino cumpra unha función igualadora e democratizadora. Nese sentido, podemos parabenizarnos por ser o galego o sistema educativo máis equitativo de todo o Estado en termos sociais, grazas a que a proporción entre as diferenzas de rendemento académico e as distancias sociais de partida é excepcionalmente baixa:
Aínda máis: Galiza é unha das comunidades nas cales a varianza é menor entre os centros participantes. Resumido en números: de cada 4 puntos de diferenza, en media 3 dependen do nivel individual de cada estudante e só 1 da extracción social e/ou do centro de estudos. Se ben é certo que o Estado español posúe un dos sistemas educativos máis equitativos do mundo, non o é menos que esa característica é especialmente preminente no caso galego -unha característica que debemos preservar fronte a tentativas de privatización.
IV. OS MÉRITOS DO ENSINO PÚBLICO GALEGO
En Galiza, como no resto do Estado español, as notas dos centros de ensino públicos son inferiores ás obtidas polos centros privados. Algo perfectamente comprensible dada a selección económica e sociocultural exercida polos segundos, ben como a renuncia a manter alumnos repetidores, circusntancias que os centros públicos -pola súa propia natureza- non se poden permitir.
Pois ben, a nosa é unha das comunidades que presenta unha menor distancia entre os resultados dos centros públicos e os dos privados.
O diferencial positivo de Galiza a respecto da media española é mérito do ensino público, que colleita resultados superiores en 10 puntos á media estatal dese sector en lectura e matemática, e de 23 puntos en ciencias.
Porén, os centros privados galegos están levemente por debaixo da media estatal en lectura e matemática, e superan escasamente esa mesma media en ciencias.
V. O DIFERENCIAL GALEGO EN CIFRAS
O diferencial positivo de Galiza a respecto da media estatal non se reflecte só nas medias globais anteriormente ofrecidas, senón tamén nunha menor diferenza entre as porcentaxes de excelencia e deficiencia dos estudantes en todas as áreas consideradas.
Diferencial excelencia vs. deficiencia
Lectura. Galiza: excelencia 3%, deficiencia 5%. España: excelencia 3%, deficiencia 6%. Galiza: -2, España -3.
Diferencial galego: +1.
Matemática. Galiza: excelencia 7%, deficiencia 20%. España: excelencia 8%, deficiencia 24%. Galiza: -13, España -16.
Diferencial galego: +3.
Ciencias. Galiza: excelencia 5%, deficiencia 13%. España: excelencia 4%, deficiencia 19%. Galiza: -8, España -13.
Diferencial galego: +5.
Diferencial global e de inclusión de repetidores
Vale lembrar que a proba PISA é respondida por alumnos e alumnas de 15 anos, independentemente do nivel educativo que estexan a cursar, polo que unha elevada porcentaxe de repetidores -en Galiza é do 37%, por volta da media estatal- é unha desvantaxe competitiva.
As cifras globais e por cursos na proba de lectura (área destacada nesta edición) son as seguintes:
Galiza: media global 486 - media 4º ESO 524 - media 3º ESO 441 - media 2º ESO 375.
España: media global 481 - media 4º ESO 518 - media 3º ESO 435 - media 2º ESO 371.
Diferencial galego: +5 global, +5 repetidores.
* * * * *
En fin, Galiza aproba -mentres España suspende- mais aínda ten moito campo para mellorar; iso si, a mellora debe facerse mantendo os trazos positivos do noso sistema educativo, nomeadamente no que se refere ao carácter público, inclusivo e democratizador do ensino. E ao tempo, fomentando unha galeguización sen receos, pois os feitos demonstran que os resultados non se resenten por iso, senón que máis ben o agradecen.
ConVIDA o Galego
Hai 6 mil linguas no mundo. Canta riqueza!
Estas linguas son creacións únicas de sociedades singulares. Necesitan protección e o teu compromiso para permaneceren no tempo, entre xeracións, para seguiren sendo linguas vivas.
Estas linguas son creacións únicas de sociedades singulares. Necesitan protección e o teu compromiso para permaneceren no tempo, entre xeracións, para seguiren sendo linguas vivas.
martes, 15 de marzo de 2011
Lois Pereiro: As Armas da Paixón
Un curso máis chega o documental didáctico de Sara Paz (guión), do CPI San Vicente da Baña, e Luís Aldegunde (edición), do CPI Os Dices de Rois, sobre a vida e a obra do homenaxeado das Letras Galegas. Lois Pereiro. As armas da paixón, outro interesante traballo que contribúe a coñecer mellor a figura de Pereiro a través das reflexións de Arturo Casas, Menchu Lamas, Antón Lopo, Antón Losada, Paco Macías, Antón Patiño e Xosé Manuel Pereiro.
domingo, 13 de marzo de 2011
jueves, 10 de marzo de 2011
Mulleres galegas.
De aquí a Teis, con vidas a destacar. No CEIP Campolongo, outra presentación.
O IES Luís Seoane tráenos esta presentación de Mulleres galegas:
O IES Luís Seoane tráenos esta presentación de Mulleres galegas:
martes, 8 de marzo de 2011
Día da muller traballadora
Como todos os anos cada oito de marzo, é o día da muller traballadora, e que neste cumprense o cen anos do seu escomenzo. Nesta presentación destacamos mulleres senlleira que abriron camiños cara a igualdade.
Dia da muller traballadora
View more presentations from bibiespobra
lunes, 7 de marzo de 2011
jueves, 3 de marzo de 2011
Autoxenofobia
Neste video explícase a autoxenofobia, nos eidos racistas entre nenos negros e brancos, e autoxenofobia lingüística exprsada por unha concursante galega do programa "Gran Hermano" 2011
miércoles, 23 de febrero de 2011
A Loba
A loba
Un relato do libro
“Cando petan na porta pola noite”,
escrito por Xabier Docampo
LIA JOVE FILGUEIRAS
Un relato do libro
“Cando petan na porta pola noite”,
escrito por Xabier Docampo
LIA JOVE FILGUEIRAS
martes, 22 de febrero de 2011
A Loba
La loba orde
View more presentations from endlagra.
- A loba
Un relato do libro
“Cando petan na porta pola noite”,
escrito por Xabier Docampo
LIA JOVE FILGUEIRAS - Ficha técnica
Título: A loba, adaptación do relato homónimo de Xabier P. Docamporecollido en Cando petan na porta pola noite (1994).
Guión : Lía Jove Filgueiras.
Fotografía: Lía Jove Filgueiras.
Montaxe: profesora de lingua galega e alumnos de 2º B de ESO.
Narradores (por orde de aparación): Raúl Rey Cancela, Paula Mella Mosquera, Enrique Nodar Carro, Abigaíl Pallone Cortés, Claudia Castelo Lorenzo, Víctor Antelo Nieto, Brais Valderrábano Codesal, Aida Diéguez González, Iván Maques Fernández.
Música:
Fuxan os Ventos: “O lobo”, versión musicada do poema homónimo de Darío Xohán Cabana.
Luar na Lubre: “Uah lúa (folla do visgo)”
Orquestra de cámara de Galicia: “Concerto grosso para frauta, óboe, clarinete e fagot”.
Duración: 10 minutos. - COMO SE COÑECE A HISTORIA
Na casa de meu avó da Granda do Xermar houbo de sempre parada de bestas e esta foi a razón de que aló polos anos trinta fose meu pai varias veces á parada que había na Reborica.
Nunha destas viaxes tivo coñecemento da historia que agora quero deixar por escrito.
Coma sempre meu pai cruzou o Támega e púxose en Pino. Abeirou Mato e endereitou cara a Pígara, e en pouco tempo estaría na Santa Cruz de Parga ,e de alí a Trasparga, a un paso da Reborica, de non ser que comezou a nevar.
Despois de moito andar e desandar, enxergou unha luciña non moi lonxe e cara a ela se dirixiu.
Nalgún momento colleu cara ao norte e agora estaba en Vilargabín.
Contáronlla a meu pai cando se perdeu do seu camiño en verde e chegou a Vilargabín en roxo. - ONDE SE DESENVOLVE A HISTORIA
Pois hoxe non se vai vostede sen que eu lla conte, que a sei ben, que o finado do meu home era do Gallado e de alí mesmo era deus perdoe a Isaura.
O asunto non foi en Gallado, de alí era a rapaza, pero todo iso pasou non moi lonxe da Ponte de Aranga.
Na Rilleira, estaba a casa do Silvestre, o mozo do que a Isaura quedou en estado e que lle dou palabra de casar con ela.
Na Ponte de Aranga o Silvestre casaba con outra e alí preto da igrexa apareceu a Isaura aforcada nun castiñeiro.
No val de Cambás, preto da Serra da Loba, o Cordal de Montouto e a Cova da Serpe. - OS LUGARES DA HISTORIA
Ponte Aranga, a igrexa. A Rilleira, a casa do Silvestre. O Gallado, a casa da Isaura - Ponte Aranga
- Gallado
Así que coma as gatas na xaneira, veu dar a Gallado.
Procurou acubillo na casa dos de Revoldás. - Igrexa de San Paio de Aranga
Cando lle pareceu que xa era hora achegouse ao adro e púxose a rentes da porta. - Aquela mesma noite apareceu Isaura aforcada nun castiñeiro
- E déronlle terra pola noite por fóra do valo do cemiterio.
- Case sempre baixaban por entre Cambás e o Cordal de Montouto, polo que lle chaman o Barranco da Loba
- Mandeo
Saían co día cara ao Barranco, uns por unha beira do río e outros pola outra - Os lobos subían cara a Rilleira.
- Ponte Aranga
“… xuntaronse os homes alí onde hoxe hai unha praciña por detrás da parroquial de Aranga.” - Rilleira
O becho saltou uns chantos e meteuse na aira dunha casa, atravesouna e foise agochar nunha palleira - A loba na súa fuxida…
- E esta foi a historia, a desgraciada historia
lunes, 21 de febrero de 2011
O galego fainos únicos.
O 21 de febreiro é o día mundial da Lingua Materna. Fagamos conservar a nosa. E unha responsabilidade que non podeos renunciar.
día mundial da lingua materna from setestralos on Vimeo.
día mundial da lingua materna from setestralos on Vimeo.
martes, 15 de febrero de 2011
lunes, 14 de febrero de 2011
Mundo Lois
Video dirixido por Antón Reixa na voz de Lino Braxe sobre o mundo de Lois Pereiro, ao que se lle adica este ano as letras galegas.
Mundo Lois from Mundo Lois on Vimeo.
jueves, 10 de febrero de 2011
Violencia de xénero
A violencia de xénero ensínase fundamentalmente nas casas, e o terreo de prácticas é, en primeira instancia, a escola. Parece difícil que un rapaz (ou rapaza) que na súa casa recibira unha educación mínimamente igualitaria se convirta en macho alfa por simple contaxio escolar. Ainda que pode haber de todo nesta vida. En todo caso, e dado que poucos referentes serios teñen estes cativos entre a infancia e a vida adulta agás o colexio e o instituto (descontada a familia, se é o caso) poucas esperanzas hai de que exista outra oportunidade de reeducación temperá mais alá das aulas.
Un video dun instituto galego sobre este tema:
Rec Play Stop Violencia! from Rec Play Stop Violencia on Vimeo.
domingo, 6 de febrero de 2011
Guerra e Paz
Nesta animación en HD, maniféstase a incompatibilidade entre a guerra e a infancia. Bó video para conmemorar o día da Paz.
miércoles, 2 de febrero de 2011
Imos de Museos.
Acabamos de descubrir unha páxina realmente importante, trátase de Google Art , nel podemos atopar os principais museos do mundo,e ademáis visitalos virtualmente, cunha calidade de imaxe que chega a ser impresionante. Non perdades a oportunidade de visitar esta páxina.
domingo, 30 de enero de 2011
Día da Paz.
Hoxe 30 de xaneiro conmemórase o día da paz.... pero, sabes por que é nesta data?
A paz...
Cargado por c_n_. - Ver videos sobre los famosos del video por Internet.
A paz...
Cargado por c_n_. - Ver videos sobre los famosos del video por Internet.
sábado, 29 de enero de 2011
Cen primaveras para Cunqueiro.
En 2011 celébrase o centenario do nacemento de Álvaro Cunqueiro, aniversario que se vai conmemorar con ducias de actividades por toda Galicia.
No noso Centro temos un gran especialista na obra de Cunqueiro, o profesor César Morán, o que lle proporemos algunha actividade alusiva ao centenario do autor.
No noso Centro temos un gran especialista na obra de Cunqueiro, o profesor César Morán, o que lle proporemos algunha actividade alusiva ao centenario do autor.
Luz Pozo Garza, poetisa.
Luz Pozo
1922, Ribadeo
Poema adicado a Luz Pozo.
"A pesares de ser malos tempos...."
A pesares de ser malos tempos para as augas,
agromas dende o transparente Eo.
Frescura de manantal,
espello de escuma branca,
subterráneo remanso de paz.
A pesáres de ser malos tempos para os aires,
levas nas ás campos de estelas
da migratoria libertade.
Viaxeira incansable,
ave de paso.
A pesares de ser malos tempos para a música,
levas na boca un paxaro.
Arpa en Iwerddon,
verdes gaitas paralelas.
A pesares de ser malos tempos para a claridade,
enches de comprensión á ledicia.
Faro de ollos pechados
A pesares de ser malos tempos para a muller.
Gardas o segredo da vida,
Medea en Corinto,
Rosalía en Irlanda.
Porque todos sabemos que eres Luz.
Porque todos sabemos que eres Pozo.
Porque todos sabemos que eres Garza.
A pesares dos tempos que corren.
A pesares dos tempos que fuxen.
M.Pazo
1922, Ribadeo
Poeta e ensaísta
A súa achega á poesía galega é dunha autenticidade e dunha madurez que poucos lograron consolidar. A transversalidade do discurso vai do intimismo ao compromiso ético. As glosas doutras voces poéticas integradas xa na súa propia voz xeran un macrotexto de, ás veces, marcada transcendencia.
Poema adicado a Luz Pozo.
"A pesares de ser malos tempos...."
A pesares de ser malos tempos para as augas,
agromas dende o transparente Eo.
Frescura de manantal,
espello de escuma branca,
subterráneo remanso de paz.
A pesáres de ser malos tempos para os aires,
levas nas ás campos de estelas
da migratoria libertade.
Viaxeira incansable,
ave de paso.
A pesares de ser malos tempos para a música,
levas na boca un paxaro.
Arpa en Iwerddon,
verdes gaitas paralelas.
A pesares de ser malos tempos para a claridade,
enches de comprensión á ledicia.
Faro de ollos pechados
A pesares de ser malos tempos para a muller.
Gardas o segredo da vida,
Medea en Corinto,
Rosalía en Irlanda.
Porque todos sabemos que eres Luz.
Porque todos sabemos que eres Pozo.
Porque todos sabemos que eres Garza.
A pesares dos tempos que corren.
A pesares dos tempos que fuxen.
M.Pazo
Papiroflexia
Unha fermosa recreación para imaxinar un mundo mellor, partindo de la papiroflexia. Animación realizada por Xoaquín Baldwin na súa web podedes ver outras das súas creacións.
viernes, 28 de enero de 2011
Ezarfen en Estambul.
Recollo esta fermosa animación en 3D, na que se trata unha trepidante historia polas rúas de Estambul.
jueves, 27 de enero de 2011
Bibliotecas
Aquí tedes ás bibliotecas máis fermosas do mundo.
Para visualizalas preme na parte inferior.
Para visualizalas preme na parte inferior.
martes, 25 de enero de 2011
Yolanda Castaño, poetisa.
Seguimos coa presentación de poetas galegos actuais, e hoxe tócalle o turno a Yolanda Castaño e tamén se queredes podedes entrar na súa orixinal páxina web.
sábado, 22 de enero de 2011
Friol 1979: Grave problema de bilingüísmo.
A TVE o 28 de marzo de 1979 no programa "Vivir cada día", emitiu esta reportaxe sobre un día de escola no concello de Friol (Lugo), onde se recolle a realidade de aqueles anos, e que hoxe constitúen un verdadeira páxina de socioloxía.
No minuto 3:34 a mestra dí:
"Estos niños tienen un grave problema con el bilingüísmo. Ellos están acostumbrados a hablar en gallego casi sienpre (…) A la hora de expresarse lo hacen con dificultad (…) así perfieren a veces callarse o contestar con monosílabos”
Este video foi posteado do blog:Friol:Algo máis que pan e queixo...
No minuto 3:34 a mestra dí:
"Estos niños tienen un grave problema con el bilingüísmo. Ellos están acostumbrados a hablar en gallego casi sienpre (…) A la hora de expresarse lo hacen con dificultad (…) así perfieren a veces callarse o contestar con monosílabos”
Este video foi posteado do blog:Friol:Algo máis que pan e queixo...
Catalán, eskera e galego no Senado.
Lugo: Cidade romana.
Recreación virtual das orixes e da historia da cidade.Vede a animación que recrea o que puido ser orixinariamente a cidade romana de Lugo es a súa primeira muralla.
Lugo Roman City from Arnaud Vercammen on Vimeo.
viernes, 21 de enero de 2011
Suxerencia.
Podedes facer videos coa vosa voz. Coas instruccións en galego e publicalas na rede. Animádevos!
jueves, 20 de enero de 2011
As Linguas de Europa.
Aquí tedes o mapa lingüístico de Europa. Moitas destas linguas están en vías de extinción. Este patrimonio cultural europeo hai conservalo.
A mellor forma é cada poblo fale a súa lingua. Se queredes ver o mapa ampliado, pulsade encima do mapa.
A mellor forma é cada poblo fale a súa lingua. Se queredes ver o mapa ampliado, pulsade encima do mapa.
martes, 18 de enero de 2011
O Noso Ouro.
O noso ouro
Miguel-Anxo Murado, xornalista, guionista e escritor
A lingua é un ser vivo, escriben os poetas. Pero isto é algo máis ca unha metáfora. A lingua é, certo, un “ser” (e tamén un “estar”, e un “ir” e “vir”), e está viva de veras. É útil pensar nela coma unha especie máis do Planeta: naceu pouco despois que o home, e entre estas dúas especies estableceuse axiña unha simbiose que dura ata hoxe. A lingua precisaba do ser humano para expresarse, o ser humano necesitaba na lingua para “ser” humano, para pensar, para expresar o seu pensamento.
Por iso é tan absurdo falar das linguas en termos conflitivos. Cada lingua é como unha especie de planta ou de árbore ou de bicho: unha necesidade da natureza. E o galego é, en concreto, unha necesidade dos galegos. Foi o que os creou como tales e é, á vez, o produto da nosa identidade, dun intercambio de mil anos. Unha lingua é un consenso secreto, azaroso, initencionado, e o galego é o consenso da cultura galega, o mapa que permite lela, a cifra na que está escrita a súa paisaxe, o seu tempo e a súa mente. Certo que os galegos tamén participaron no consenso do español, como no do portugués, pero esoutras linguas non precisan dos galegos. Son ferramentas que podemos utilizar, mais o galego é outra cousa. O azar e a erosión do tempo outorgounos a custodia deste ben e, xustamente porque é un ben escaso, é máis valioso. É curioso pensar que os romanos abriron a terra en Galicia hai dous mil anos buscando ouro e prata, e carretárona ata esgotala. Mais, a cambio daquela riqueza perdida sementaron outra que a substituíu: é o galego, unha das aventuras do que foi o latín, sumado a mil anos de conversas entre cada un dos habitantes de Galicia. ¿Que pode haber de máis valioso? É o noso ouro.
Os nosos Castros: Viladonda.
Recración virtual do castro de Viladonga (Lugo), un dos miles de castros que existiron na Galiza.
domingo, 16 de enero de 2011
A Bruxa.
Curtametraxe, nominada aos Goya 2011. Compriranse os desexos da bruxa e atopará ao seu príncipe azul...?.
LA BRUXA from lafiestapc on Vimeo.
LA BRUXA from lafiestapc on Vimeo.
sábado, 15 de enero de 2011
Percebeiros.
Nesta reportaxe emitido pola BBC, podedes ver o arriscado que é coller percebes. Xóganse a vida. Entendedes a razón de ser tan caros?
A Xanela
Daria Shornikova, unha rapaza rusa que aprendeu a falar galego, decidiu pasar o verán en Compostela. Durante a súa estadía, gravou un filme-lexicón, A Xanela, un documental en primeira persoa onde recolle as impresións de todo tipo de xente arredor da lingua galega: cal é a súa relación co idioma, como comezaron a falalo ou cales son as súas palabras favoritas.
Durante algo máis dunha hora, Daria percorre lugares como pubs, facultades ou medios de comunicación para coñecer esas historias, palabras e sentimentos de Galiza, contadas tanto por galegos de nacemento como de adopción.
"A Xanela" (2010) from daria on Vimeo.
Durante algo máis dunha hora, Daria percorre lugares como pubs, facultades ou medios de comunicación para coñecer esas historias, palabras e sentimentos de Galiza, contadas tanto por galegos de nacemento como de adopción.
"A Xanela" (2010) from daria on Vimeo.
viernes, 14 de enero de 2011
Normalización: Igualdade de trato para as Linguas.
jueves, 13 de enero de 2011
Posibilidades do Catalán.
Neste video, promovido pola Generalitat de Catalunya, amósase as posibilidades do catalán como lingua de implantación, tanto socialmente como no mundo dos negocios.
Vede o xeito de presentarse ao mundo.
Vede o xeito de presentarse ao mundo.
Blecua defende a Inmersión Lingüística.
O Presidente da Real Academia Española, defende o modelo educativo catalán de Inmersión Lingüística como xeito de supervivencia do idioma. Recollido en"Galicia Hoxe".
Conciencia.
Cando un vello monxe eremita ten o un día interrompido por un invitado especial, un canciño..., este evento fara que o leve involuntariamente a unha viaxe para descubrir o verdadeiro significado da camaradería.
martes, 11 de enero de 2011
Estíbaliz Espinosa, poetisa
Neste ano que empeza tentaremos de preséntar un achegamento á poesía e a literatura galega actual. Encetamos coa coruñesa Estíbaliz Espinosa. Podedes seguir a súa traxectoria dende seu blog "... mmm..."
non sigas lendo. isto é unha trampa.
non vou dicirche que faría canto quixeras
e estamos incriminados nela, ti e máis eu
non vou dicirche que quizais non
e debes seguirme punto por punto ata o final
non vou dicirche que enterrei todas as palabras
estás atrapado agora, e a vida váiselle a este poema
poderás empezalo unha e mil veces e mil e unha veces acabará
da mesma forma
estamos só os dous e ti fasme sentir que todo isto é certo
pero se non é certo, por qué segues aquí
por qué segues
a piques de caer nesta trampa indivisa
na vida que se lle vai a este poema, secamente
faría canto quixeras
quizais non
enterrei todas as palabras
quédanme estas para che dicir que quero
aprender
o teu rostro
de memoria
Poemas de amor III
SUSPENSE
non sigas lendo. isto é unha trampa.
non vou dicirche que faría canto quixeras
e estamos incriminados nela, ti e máis eu
non vou dicirche que quizais non
e debes seguirme punto por punto ata o final
non vou dicirche que enterrei todas as palabras
estás atrapado agora, e a vida váiselle a este poema
poderás empezalo unha e mil veces e mil e unha veces acabará
da mesma forma
estamos só os dous e ti fasme sentir que todo isto é certo
pero se non é certo, por qué segues aquí
por qué segues
a piques de caer nesta trampa indivisa
na vida que se lle vai a este poema, secamente
faría canto quixeras
quizais non
enterrei todas as palabras
quédanme estas para che dicir que quero
aprender
o teu rostro
de memoria
domingo, 9 de enero de 2011
Blogosferera Galega na Rede
As novas tecnoloxías están a medrar cada vez máis. A plataforma de blogues galegos constitúen a blogosfera na nosa língua.
viernes, 7 de enero de 2011
martes, 4 de enero de 2011
Letras Galegas 2011: Lois Pereiro
Lois Pereiro
1958, Monforte de Lemos - 1996, A Coruña
Poeta, xornalista
A imaxe de Lois Pereiro é reflexo da súa actitude fronte a vida: esgazada, crúa e espida coma os seus versos. Estes elementos determinaron o mito marxinal e cosmopolita que o poeta personifica. A autodestrución, a desolación, a morte, son os temas predominantes na súa poesía. Da aniquilación á nostalxia foi o camiño literario que andou, deixando unha pegada cada vez máis fonda en lectores cada vez máis novos.
Lois Pereiro nace en Monforte en 1958. Realiza estudos de tradución en Madrid, cidade á que marcharía co seu irmán Xosé Manuel con só dezasete anos. Alí mantense economicamente vertendo ao castelán filmes e series para a televisión.
Pero en Madrid vai estar vencellado, por amizade e por proxectos comúns, ao grupo que formaba con Manolo Rivas, Antón Patiño ou Xavier Seoane. Co esforzo de todos, naceron as publicacións de pulo innovador, e agora xa míticas, Loia ou Luces de Galiza.
Porén, os riscos asumidos na vida madrileña de principios dos oitenta fixeron que Lois determinase o seu regreso á Coruña, onde se manteñen os nexos con aqueles que constituían o grupo de Madrid, e, de novo aquí, vivirá fundamentalmente do xornalismo. Iso si, no eido poético participa na publicación colectiva De amor e desamor e integrarase, durante 1984 e 1985, no colectivo de mesmo nome. Este feito permite que o público comece a coñecer a súa obra e a valore con compracencia.
Gaña o Concurso Nacional de Poesía O Facho: todas as súas creacións poéticas, espalladas en antoloxías ou publicacións colectivas, reúnense en Poemas. 1981/1991, en 1992. O seu primeiro libro publicado reflicte xa unha tendencia etiquetada como punk, moi presente na súa vida. As razóns para esta clasificación son, a saber, unha actitude certamente existencialista, de sarcasmo esmagador e corrosivo, un xogo de chiscadelas á autodestrución e á morte. No entanto, as súas influencias semellan ben sofisticadas. Prioritariamente chéganlle do centro de Europa, do expresionismo austro-alemán, de Thomas Bernhard, Peter Handke ou de Carver. Pero non hai que esquecer que Valente é referente fundamental nos seus primeiros pasos: ao seu abeiro nace como poeta.
En 1995 aparece a Poesía última de amor e enfermidade. Con só dous libros publicados xa define un estilo literario curto e tenso, cualificado como de economía expresiva: non se excede en recursos formais, emprega abundantemente o establecemento dicotómico de realidades elementais (amor/desamor, vida/morte). Neste derradeiro libro, en vida, de Lois, que foi reeditado nos últimos tempos, atópase un novo xeito de entender a existencia: para aprehendela en profundidade é necesario ter conciencia da morte. Isto pode ter unha interpretación vitalista que encaixaría coa ríxida etiqueta de poeta maldito, ao entender que esta postura fronte á vida nace da súa propia experiencia, que se mergulla na liña que a separa da morte.
Lois Pereiro morre pouco despois, en 1996. Nese ano do seu finamento, o seu irmán, Xosé Manuel, fai que saia á luz Poemas para unha Loia, constituído a partir de composicións da época madrileña, xa publicadas naquela revista Loia, e dun ensaio: "Modesta proposición para renunciar a facer xirar a roda hidráulica dunha cíclica historia universal da infamia". Nel expón moitas das súas ideas e conviccións sociais e políticas, ofrecendo unha panorámica que inclúe unha chea de referencias directas a escritores, filósofos ou políticos dos que bebe.
Ademais, deixou oito capítulos dunha novela inacabada, Náufragos do paradiso, publicados naquela revista que fora dirixida por Manolo Rivas, Luces de Galiza.
Pero Lois Pereiro tamén lle puxera letras ás melodías do grupo punk Radio Océano, que o seu irmán lideraba. Porque o esforzo de Lois estivo canalizado cara á contracultura, na que militaba con vehemencia. E así, as súas verbas tamén se debuxan en fancines ou en escollidos guións.
Esta condición de outsider provoca a reticencia dos académicos á hora de dedicarlle o Día das Letras Galegas, pasados xa máis de dez anos da súa morte, a pesar de que a súa obra é cada vez máis valorada polos lectores e máis considerada pola crítica.
Finalmente, o 26 de xuño de 2010 a RAG publicou a súa decisión de adicarlle o Día das Letras Galegas do 2011. A Academia apreciou:
“evidentes pegadas expresionistas, referencias á literatura xermánica e certos trazos de contracultura [...] unha imaxe e unha estética que fixeron del un autor de culto. Cartografou coma ninguén o labirinto do mundo contemporáneo conciliando para tal fin o individualismo escéptico coa tradición demoledora do expresionismo centroeuropeo."
En palabras do escritor e membro da RAG Manuel Rivas:
“Adicarlle a Lois o Día das Letras 2011 foi unha decisión valente da Academia, porque é un autor de culto, pero en canto se difunda a súa obra será un autor moi popular".
O corredor de fondo perde o alento
Fuxindo dunha vida inzada de renuncias
da súa liturxia obesa e oleosa,
mediocre nos seus comunais fracasos,
bágoas de xelo, indignación contida
non deu chegado a tempo de exercer
a súa rebelión,
nin de levar a cabo
a súa vinganza definitiva
contra un mundo inxusto, homicida, e cruel,
pola inutilidade da súa propia vida
solitario, enfermo e fatigado,
a morte anticipouse e chegou antes.
outono 95
De "poesía última de amor e enfermidade 1992-1995" de Lois Pereiro
Suscribirse a:
Entradas (Atom)